انتشر الطلاق عندنا بشكل مخيف .. ولاسباب من الجنسين ...
لكن موضوعي اليوم هو عن فئة "زوجوه ويعقل" ..
سمعت وشفت حالات كثيره طلاقها كان بسبب هالنظرية .. متى كانت الزوجه او الزواج علاج لحالات الادمان ؟! او حالات الطيش والمراهقه المتأخره !! ليش الغش واللعب بمشاعر بنات الناس !!
"1"
خريجة علم نفس من عائلة محترمة تقدم لها شاب الكل مدح فيه وحتى مع السؤال + اخوه امام مسجد .. اول ليلة بعد الزواج اكتشفت انه مريض بالصرع من الدرجة الثالثه وجته الحاله قدامها ..
"2"
شاب مصاب بالمراهقه المتأخره .. زوجوه اهله من مقروده عشان يعقل!! .. المضحك في الموضوع انه ماعقل وزوجوه الثانيه بعد 6 اشهر من زواجه الاول
"3"
بنت من عائله محترمه يتقدم لها شاب المفروض انه محترم .. وبعد السؤال اتضح لهم انه محترم وكفو للزواج .. بعد الزواج بـ 4 شهور يرجع للبيت سكران!! كانوا مزوجينه عشان يعقل مع العلم ان بنت الناس انهبلت وهو للحين ماعقل !! نسأل الله الثبات .. واذا اشتكت الزوجه لاهل الزوج يقولون احمدي ربك ولاترفسين النعمه برجليك بكرا محد يبيك لانك مطلقه!
"4"
فقط من معرفتي انا بهم شخصيا 3 امهات مطلقات تزوجوا من شباب لم يسبق لهم الزواج .. المطلقات كانوا ضحية شباب توهم ماعقلوا .. والان ماشاءالله تبارك الله عايشات في نعيم مع عاقلين لم يسبق لهم الزواج الله يتمم عليهم ..
القضيه هنا لها 3 اقسام ..
القسم الاول : ليه الغش والكذب على الناس ؟ ليه توهقون بنات الناس مع عيالكم اللي توهم ماعقلوا ؟ وش ذنب الاطفال بعدين اذا ابوهم توه ماعقل ؟ هل البنات نوع من العلاج النفسي لطيش الشباب؟
القسم الثاني : الناس اللي يزكون هالفئة من الشباب مايدرون انهم يخربون بيوت بدال مايعمرونها !!
القسم الثالث: هل الزواج من مطلقة يعتبر خروج عن القانون ؟ برأيي النظرة هذه تغيرت الآن صح ؟
الحد الان موجود هذا الشيىء ولكن بقله لكن الاغلبية هو تزوج مراه مطلقه من زوج لم يسبقه له الزواج وانها تكوووون الاغلبية من اهل الزوج لانه بيكون على الطالعه ونازله يعايورها انه ولدهم اخذها وهي مطلق(الا من رحم ربي)
موضوع: زوجوه عشان يعقل !! 
الإثنين نوفمبر 10, 2008 1:31 pm
